Qissa Kursi Ka!

Dilli pe kaun raj karega?
Satta ka kaun swaad chakhega?
Satta ke galiyare aatur
Kursi ki kaun shaan banega?

Kya fir Manmohan ki hai baari?
Yaa hai Sonia ko satta pyaari?
Kya Rahul aagey aayenge?
Aur is desh ko bachayenge?

Kya ye janata chahti hai?
Nirnayakta Advani ko Bhaati hai
Kya Raj Yog ye chakh Payenge?
Yaa sapne inke dah jayenge?

Lakhnau gir chuka hai bhaiyya
Kya ab Dilli ki baari hai?
Haathi par Bharat Bhraman ko Nikli
Yeh behen Mayawati ki sawaari hai

Madras me bhi hai halchal
Aur Jayalalitha bhi hain chanchal
Kya unke sar par chadhega taj?
Kya woh karengi Dilli se Raj?

Idhar Paswan de rahein hain Chanakya ko maat
Congress, Bhajpaa se inhone toda saath?
Sarkar agli toh yehi banayenge
Chauthey Morchey ko yeh Jitvayenge?

Laloojee ka bhi hai ye naara
Sarkar banane ka irada hamara
Patna ka toh bahut sukh bhoga
Dilli toh ab Hamra hoga!!

Bangaal me bhi nayi kranti hai chayee
Vaam Dalon ko satta khoob bhayee
Manmohan se chale woh karne do do haath
Janata ka ye maangey saath!

Kaun banega Pradhan Mantri Agla?
Kya koi Yug Purush ya koi Pagla?
Kaun Janata ki kausati par khara utar payega?
Yeh bhaut jald pata chal jayega